Archive

Posts Tagged ‘Food’

蛋治茶走續集 – 黃屋仔返黎啦

污糟熊貓樓下茶檔,一向是熊貓多年飯堂,一年多前結業後熊貓曾一度不願進食,經多方面壓力下黃屋仔終於再現牛頭角!
請各位多多支持!!!

Advertisements

法蘭克福的六個小時

April 15, 2011 1 comment

從維也納返香港,中途係法蘭克福轉機,中間有大約八個小時的空擋,由於飛機誤點遲了一個小時到法蘭克福,加上要在機塲再次check in 和安檢又小一個鍾,只有六個小時,也想搭火車到城市看看,坐上火車離開機塲,沿途見到最多就係Graffiti,始終都係歐洲中Graffiti 最活躍城市之一,這程火車巳值回票價。之前做了功課,你一定估我去食條法蘭克福腸,錯啦!比你估到,我就唔係食神啦!
在短短六小時不想走馬看花,選了自己覺得最能體會各地飲食文化嘅地方”街市”。去法蘭克福市一個Farmer’s market,一去到有兩件事一定會做,笫一睇吓有冇遊客,冇,成功了一半,第二搵個擋主講句英文問吓價,完全雞同鴨講,好肯定本地情度高,四圍行吓,d生果靚到呢,排得又整齊,八吓d人食乜先,法蘭克福腸加兩片面包,不過今日志下在此,一樓有咖啡,生果,菜,肉,仲有花店,最正係有各香草,生果同菜嘅種子賣,搵你好耐啦光頭王,香港買香草太貴啦,買咗幾隻常用香草,意大利茄子同意大利蕃茄,計起黎先幾十蚊。四圍影吓相,有d擋主仲會chok恒個pose叫你影,之後走來睇相,不過sorry我仲影緊菲林喎。走上二樓只見一擋只賣蛋嘅檔口,好多芝士擋同我最愛嘅海鮮檔加小餐廳,問咗價錢坐底叫咗三個生蠔,見帶子超靚,半透明肉厚,就叫咗帶子意粉,蠔算中上貨色,檔主一邊煮一邊吹吓水大家只能明一半,都係手指指身體語言,原來佢係意大利人,之後食個意粉真係正又大碟,帶子碎上煮意粉,好好食,鮮蕃茄做個汁真係好正,叫佢比幾片面包我,佢仲讚我認食,有個噤正嘅汁無面包抹碟,真係對佢唔住,有時食物真係可以將人同人之間嘅距離拉近。
食飽落一樓買自己喜愛朋友又不停叫買嘅salami,有靚貨意大利野豬肉,野生鹿肉,試食後真係好想買但真係有d貴,個人覺得野生動物會想買多d,一來食味好,二來你係幫緊生態平衡,因為獵人大多數係Animals control, 等佢地數目唔會太多影响生態環境。不過話說回來,好貨都係太貴,一班豬朋狗友飲杯酒吹吓水,一般貨色好了吧!看看時間只有一個小時左右,找個街上的咖啡店,座下來看街上的人,拿出電話寫下”法蘭克福的六小時”,都係時侯返機場check in.”waiter!,check pls!”

飛機餐

April 15, 2011 Leave a comment


飛機餐對熱愛北上嘅骨友,可能係一個貼是比主餐還要貴嘅按摩活動.不過我想講嘅係係飛機上會食嘅飛機餐,飛機餐有着佢自己那種剛剛好嘅秩序,你唔攪佢,佢會好整齊好簡潔,但係你一開始食個沙律,十個人有九個都將個秩序破壞,我有個好奇怪嘅習慣,我每次食飛機餐都會由頭盤到甜品全部食曬,仲好鍾意個餐包,你唔係第一個話我有病,但係我就真係鍾意食,仲會食完後,將佢變回原形,連個錫紙蓋都包好,我覺得佢本來係好靚,食完都應該比返個靚樣佢。可能世界上就係有d嘢就係噤,你一係咪攪佢咪加入,要玩就要跟遊戲規則玩,好怕人攪亂擋,攪屎棍.

蛋治茶走

November 21, 2010 Leave a comment

大排檔買少見少,有質數就更是隻手可數,一份蛋治一杯茶走都做得唔好,茶過火,鞋了,蛋冶只用一隻蛋仲要無味,元朗有此大排檔真係吊鬼!立刻起身轉場,身邊食客一望,蛋治食左一啖,奶茶飲左一口。老板娘找錢時問”唔好食呀?”只回一句”係woo”
去左後面另一檔,一樣蛋治茶走,等野食時候有一對公公婆婆坐低,兩杯熱華田一份奶油多,應是多年來的老食客,同老板有講有笑。此檔味道可以,但係有一份茶檔必要既味,人情味!
人情味唔係果種會收平兩蚊,比多兩件牛肉禁簡單,而係一種食客同茶檔之間既關係,好似你呀媽會明知你肥,叫你飲少甜。你又會知佢乜時間客多,遲少少至去食。
香港美食越來越多,但懂食的人越來越少,食館質數也越來越低,以上茶檔,是好是壞都不開名說明,自己錯中學習啦!

Tags: ,

Fat Panda B’fast

Tags: ,

Fat Panda and Cheeza

%d bloggers like this: